မြန်မာနိုင်ငံမှာ ကလေးစစ်သား အသုံးပြုမှုတွေ ပပျောက်ရေးအတွက် ဆောင်ရွက်ဖို့ မြန်မာအစိုးရနဲ့ ကုလသမဂ္ဂတို့ ကြားမှာ သဘောတူညီချက် တရပ်ကို လက်မှတ် ရေးထိုးလိုက်ကြပါတယ်။ ကလေးစစ်သားတွေကို အသုံးပြုတဲ့အတွက် ဆယ်စုနှစ်နဲ့ချီပြီး အရှက်ရစရာ စွပ်စွဲခံနေရတဲ့ မြန်မာ့တပ်မတော်ဟာ အခုတော့ ကလေးစစ်သား ပပျောက်ရေးအတွက် တကယ် လုပ်တော့မယ်လို့ ကုလသမဂ္ဂကို ကတိပြုလိုက်တာ ဖြစ်ပါတယ်။
ဒီအစီအစဉ်အရ ၂၀၁၄ ခုနှစ်ကျရင် မြန်မာနိုင်ငံမှာ ကလေးစစ်သား အသုံးပြုမှုတွေ လုံးဝ ပပျောက်သွားအောင် ဆောင်ရွက်မှာဖြစ်တယ်လို့ ကုလသမဂ္ဂ ကလေးသူငယ်များဆိုင်ရာ အဖွဲ့အစည်း UNICEF ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် Mr. Ramesh Shrestha က ပြောပါတယ်။
အခုအချိန်အထိ မြန်မာနိုင်ငံက ကလေးစစ်သား ပြဿနာကို အဓိက ကူညီဖြေရှင်းပေးနေတဲ့ ILO လုပ်နေတဲ့ အစီအစဉ်နဲ့ အခု သဘောတူညီချက် အသစ်တို့ ကွာခြားချက်ကတော့ အိုင်အယ်လ်အိုက ကူညီနိုင်အောင်အတွက် အရင်ဆုံး ကာယကံရှင် ကလေးစစ်သားက၊ ဒါမှမဟုတ် သူ့မိဘဆွေမျိုးတို့ မိတ်ဆွေတို့က တိုင်ကြားမှ စပြီး အရေးယူလို့ရတာပါ။
အခုတော့ ကုလသမဂ္ဂ၀န်ထမ်းတွေကိုယ်တိုင် စစ်တပ်စခန်းတွေကို သွားစစ်ဆေးနိုင်တော့မှာ ဖြစ်တယ်လို့ UNICEF ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် Mr. Ramesh Shrestha က ပြောပါတယ်။ “အခုအခါမှာ မြန်မာအစိုးရ ကိုယ်တိုင်က ကလေးစစ်သား ပပျောက်ရေးအတွက် ဆောင်ရွက်ပါမယ်ဆိုတဲ့ ကတိကို စာရွက်စာတမ်းနဲ့ လက်မှတ်ထိုးထားပါပြီ။ ဒီသဘောတူညီချက်အရ တပ်သားသစ်တွေ စုဆောင်းတဲ့အခါမှာ ကလေးစစ်သားတွေ မပါအောင် စိစစ်နိုင်မှာဖြစ်သလို၊ ကလေးစစ်သားတွေ ရှိနေတယ်လို့ ယူဆရတဲ့ တပ်စခန်းတွေကိုလည်း သွားရောက်စစ်ဆေးနိုင်မှာ ဖြစ်ပါတယ်” လို့ သူက ဆိုပါတယ်။ လာမယ့် ရက်သတ္တ လေးပတ်အတွင်း စတင်ဖို့ရှိတဲ့ ဒီအစီအစဉ်ရဲ့ ပထမအဆင့်အနေနဲ့ စစ်တပ်ထဲမှာ လက်ရှိ ကလေးစစ်သား ဘယ်လောက်ရှိနေသလဲ ဆိုတာကို စာရင်းပြုစုပြီး သူတို့ကို စစ်တပ်ကနေ ထွက်ခွင့်ပေးဖို့နဲ့ မိသားစုနဲ့ ပြန်လည်ပေါင်းစည်းနိုင်ဖို့တွေကို ဆောင်ရွက်သွားမှာ ဖြစ်တယ်လို့လည်း သူက ပြောပါတယ်။
မြန်မာနိုင်ငံမှာ အစိုးရတပ်မတော်ဖက်ကရော၊ တိုင်းရင်းသား လက်နက်ကိုင် အဖွဲ့အစည်းတွေဖက်ကပါ ကလေးစစ်သားတွေ အသုံးပြုနေကြပြီး အဲဒီလို ကလေးစစ်သား အသုံးပြုတဲ့ လက်နက်ကိုင် အဖွဲ့အစည်း ၈ ဖွဲ့ ရှိတယ်လို့ ကုလသမဂ္ဂ အထွေထွေအတွင်းရေးမှူးချုပ်ရဲ့ လုံခြုံရေးကောင်စီကို တင်သွင်းတဲ့ နှစ်ပတ်လည် အစီရင်ခံစာမှုာ ဖော်ပြခဲ့ပါတယ်။
ထိုင်း အခြေစိုက် လူ့အခွင့်အရေး ပညာပေးဌာန (မြန်မာနိုင်ငံ) ရဲ့ ဒါရိုက်တာ ဦးအောင်မျိုးမင်းက “လက်မှတ်ရေးထိုးလိုက်တဲ့ Action Plan လို့ခေါ်တဲ့ ရှေ့လုပ်ငန်းစဉ်ထဲမှာ ဆိုလို့ရှိရင် လက်နက်ကိုင် အဖွဲ့တွေနဲ့လည်း ကုလသမဂ္ဂက ပူးပေါင်းလုပ်ဆောင်မယ်လို့ အစိုးရကနေ ခွင့်ပြုလိုက်ပါတယ်။ ဒီလိုမျိုး ကြေငြာလိုက်ခြင်းအားဖြင့် ကုလသမဂ္ဂ အေဂျင်စီတွေ၊ ကလေးစစ်သားနဲ့ ပက်သက်ပြီး လုပ်ဆောင်နေတဲ့ လေ့လာရေးနဲ့ စောင့်ကြပ်ရေး၊ အစီရင်ခံရေး လုပ်ငန်းစဉ်မှာ ပါဝင်တဲ့သူတွေက လက်နက်ကိုင် တပ်ဖွဲ့တွေရဲ့ ဒေသတွေကို သွားလာနိုင်မယ်၊ ကလေးစစ်သား အသုံးပြုမှု ရှိလား မရှိလားကို စစ်ဆေးနိုင်မယ်” ဆိုလို့ ပြောပြီး ဒီသဘောတူညီချက်ကို ကြိုဆိုလိုက်ပါတယ်။
ဗုဒ္ဓဟူးနေ့ နေပြည်တော်မှာ ကျင်းပတဲ့ လက်မှတ်ရေးထိုးပွဲကို မြန်မာအစိုးရဖက်က ကာကွယ်ရေးဝန်ကြီး ဒုတိယဗိုလ်ချုပ်ကြိး လှမင်းနဲ့ ကုလသမဂ္ဂဖက်က အထွေထွေအတွင်းရေးမှူးချုပ်ရဲ့ ကလေးသူငယ်နဲ့ လက်နက်ကိုင် ပဋိပက္ခဆိုင်ရာ အထူးကိုယ်စားလှယ် မစ္စရာဒီကာ ကုမာရဆွာမိ တို့က ဦးဆောင် တက်ရောက်ခဲ့ကြတာ ဖြစ်ပါတယ်။
